Hanes ailgylchu
1901 - 2007
1930au
Pobl yn dechrau gwneud plastigau allan o gemegolion a gynhyrchir o betroliwm (mae cynhyrchion plastig wedi cael eu gwneud allan o blanhigion ers 1862).
1939
Wrth geisio peidio â chael eu goresgyn ac ymladd unbeniaid dieflig. Anghofiodd pobl am reoli gwastraff yn ystod yr Ail Ryfel Byd a golygodd hyn bod tomenni anferth wedi eu creu y tu allan i ddinasoedd, lle roedd tipiau anferth hyd at filltir o hyd yn aml yn llosgi’n barhaus.
1948
Agorwyd ‘Fresh Kills Landfill’, am enw hyfryd, yn Efrog Newydd. Mae mor fawr mae’n debyg y gellir ei weld o’r gofod, ond dydyn ni ddim yn siŵr pwy oedd yn y gofod ym 1948 i ddweud hynny wrthyn nhw.
1960
Dug Caeredin yn dweud y drefn wrth y llywodraeth ynglŷn â pha mor flêr mae popeth. Mae hyn yn arwain at sefydlu’r Comisiwn Brenhinol ar Lygredd Amgylcheddol.
1971
Cyfeillion y Ddaear yn dychwelyd miloedd o boteli i’r cwmni diodydd Schweppes. Maen nhw’n dweud wrth bapurau newydd a sianeli teledu eu bod yn gwneud hyn ac yn sydyn mae pawb yn clywed am reoli gwastraff ac ailgylchu. Mae ailgylchu wedi cyrraedd yr ymwybyddiaeth gyhoeddus.
1977
Y banciau poteli cyntaf yn ymddangos ym Mhrydain.
1986
Amddiffyn amgylcheddol yn cael ei gynnwys o’r diwedd yn Cytundeb Rhufain trwy’r Ddeddf Ewropeaidd Sengl, Cyfieithiad: Rhaid i bob gwlad yn Ewrop edrych ar ôl yr amgylchedd, neu gwyliwch eich hun!
1990
Deddf yr Amgylchedd – y darn mwyaf arwyddocaol o ddeddfwriaeth amgylcheddol erioed.
1994
Yr Undeb Ewropeaidd yn penderfynu bod rhaid i bwy bynnag sy’n rhoi pecynnu ar eu nwyddau ddefnyddio llai a cheisio ailgylchu mwy.
1996
Mae Llywodraeth Prydain yn dweud y dylai 25% o wastraff tŷ gael ei ailgylchu erbyn y flwyddyn 2005 a 40% erbyn 2010.
Tua’r adeg hon neu ychydig cyn hynny y ganwyd y rhan fwyaf ohonoch chi. Felly rydyn ni’n stopio ysgrifennu’r hanes byr yma nawr ac fe allwch chi gario mlaen. Ewch i’r wefan o ddarganfod sut y gallwch ddechrau creu hanes ailgylchu heddiw!
Ychwanegwch eich sylw
Dim ond defnyddwyr sydd wedi cofrestru sy’n cael rhoi sylwadau ar y wefan hon. Logiwch i mewn neu cofrestrwch. Logiwch i mewn Neu Cofrestrwch
