Cynnyrch Terfynol
Plastig
Tra bod technolegau wedi eu datblygu i ddidoli plastigau, yn y DU mae’r rhan fwyaf o ddidoli ar gyfer ailgylchu yn cael ei wneud gan staff wedi eu hyfforddi sy’n didoli’r plastigau â llaw i fathau o bolymerau (defnyddiau) ac/neu liw cyn i’r ailgylchu mecanyddol ddechrau.
Mae ailgylchu mecanyddol yn cyfeirio at brosesau sy’n cynnwys toddi, rhwygo neu ronynnu plastigau gwastraff. Gall ychydig bach o’r math anghywir o blastig ddistrywio’r broses toddi, felly mae’n bwysig peidio’u cymysgu.
Ar ôl eu dosbarthu, mae’r plastig un ai’n cael ei doddi’n uniongyrchol a’i fowldio i siâp newydd, neu’n cael ei doddi ar ôl cael ei chwalu’n fflawiau ac yna’u prosesu’n ronigion yn barod i wneud pethau plastig newydd, megis:
- meinciau parc
- ffensys
- pren mesur
- carrai esgid
- insiwleiddio
- cregyn llong
- cyfarpar swyddfa
- dyfeisiadau arnofiant
- carpedi
- dillad
- potiau blodau
- ac yn y blaen...
Ychwanegwch eich sylw
Dim ond defnyddwyr sydd wedi cofrestru sy’n cael rhoi sylwadau ar y wefan hon. Logiwch i mewn neu cofrestrwch. Logiwch i mewn Neu Cofrestrwch
